- الناس تخاف من البطاقات الائتمانية لإنهم يسمعون قصص مخيفة عن ناس صاروا مديونين بمبالغ ضخمة بسبب عدم معرفتهم لاستخدام البطاقات أو لأنهم طلعوها رغبة في شراء كماليات بدون مايعرفون ايش البطاقات الائتمانية وكيف طريقة التعامل معها.
- البطاقات الائتمانية أداة ممكن تفيدك فيما يخص حياتك المادية، وممكن تضرك وتورطك بديون إذا ما تعرف تتصرف معها.
- ولذلك قررت أسوي هذي السلسلة اللي بشرح فيها كل شيء يخص البطاقات الائتمانية وأوعدك أنه في نهاية السلسلة راح تكون فهمت كل شيء يتعلق ببطاقات الائتمان البنكية.
- ولإن هذا السلسلة بتكون مفصلة وفيها معلومات كثيرة عن كل شيء يخص البطاقات الائتمانية راح أعطيكم الحين عناوين الفيديوات اللي بسويها في هذي السلسلة وأنصحكم تشوفون السلسلة كاملة لأني متأكد بتعرفون معلومات جديدة عليكم.
- الفيديو الأول:أنواع البطاقات الائمانية وفي هذا الفيديو بتكلم عن أنواع البطاقات والفرق بينها وايش الخطير منها؟
- الفيديو الثاني: إيجابياتها وسلبياتها البطاقات الائتمانية، وايش مفروض تعرف عنها قبل ما تطيح في مشكلة.؟
- الفيديو الثالث:كيف تحصل على بطاقة ائمانية؟ وماهي الشروط؟ والرسوم ؟
- الفيديو الرابع: شركات البطاقات الائمانية (فيزا ماستركاردواميكس) والفرق بينهم وماذا تفعل بعد حصلوكم على بطاقة ائمانية لتتجنب السرقة والاحتيال.
وقبل ما أبدأ هذا الفيديو، حبيت أقولك اني بعد انتهآء هذي السلسلة راح أسوي فيديو خاص فيه كل الأجوبة على أسئلتكم اللي بتكتبونها في التعليقات سواءاً في هذا الفيديو أو باقي أجزاء السلسلة، لذلك لا تتردد في كتابة أي استفسار أو سؤال مهما كان.
- أنواع البطاقات الائتمانية:
أول شيء عشان ما أعقد الموضوع، البطاقات الائمانية في الحقيقة مالها أنواع، لكن كل الناس صاروا يقولون عن كل البطاقات البنكية بطاقات ائتمانية،، بس بعد ما أشرح لك كل أنواع البطاقات بتفهم كل بطاقة وش تفرق عن الثانية:
البطاقات الائتمانية أو البنكية بمعنى أصح هي ٤ أنواع :
= أول وحدخ البطاقات الائتمانية أو الكريدت كارد وهي اللي معقدة واللي فعلاً اسمها بطاقة ائتمانية وراح أشرحها بالتفصيل الحين ثم أشرح لكم أنواع البطاقات الأخرى.
- أولاً: ماهي البطاقات الائتمانية؟
بطاقة يقدمها لك أحد البنوك أو شركات التمويل ويكون فيها مبلغ وهذا المبلغ يسمونه البنوك (حد ائتماني)، وهذا المبلغ يختلف من شخص لآخر، كيف يتم تحديد هذا الحد؟
يتم تحديده بناءاً على راتبك أو عوامل أخري يحددها لك البنك، يعني ممكن عميل يكون حده الائتماني ٣٠ ألف ريال وعميل آخر ٥٠٠٠ ريال..
المهم بواسطة هذا الحد الائتماني أنت تقوم بشراء احتياجاتك اليومية بواسطتها، ثم في نهاية الشهر تقوم بسداد كامل المبلغ أو جزء منه.
وكل بطاقة لها دورة فوترة شهرية ويوم سداد أخير..
تقدر تعرف تفاصيل هذي التواريخ عن طريق التصال بخدمة العملاء أو ممكن تشوفها في العقد اللي وقعته أو في الشروط والأحكام أو في كشف الحساب الشهري.
لكن في الغالب دورة الفوترة الشهرية تكون من يوم ٢٤ من كل شهر ميلادي إلى ٢٥ الشهر الذي يليه (يعني شهر)، أما يوم السداد فغالباً ثم يتم إمهال العميل ٢١ يوم لسداد كامل المبلغ، أدري يمكن مافهمت عشان كذا بعطيك مثال تفصيلي:
مثال: كشف حساب بطاقتي الخاصة يكون جاهز في يوم ٢٥ سبتمبر وهذا الكشف فيه كل تفاصيل وعمليات الشرآء اللي سشويتها من يوم ٢٤ اغسطس إلى ٢٥ سبتمبر.. وبعد كذا البنك يعطيني ٢١ يوم لسداد كامل المبلغ وإلا سيتم فرض الفائدة الموجودة في الشروط والأحكام.. يعني يوم ١٥ اكتوبر تقريباً إذا ما سددت كامل المبلع اللي استخدمته سيتم فرض فائدة على المبلغ اللي ما سددته.
يعني باختصار هذا النوع من البطاقات كأنه دين أو قرض من البنك، تشتري اللي تبيه وبعدين تسدده كامل في نهاية الشهر، ولو ماعندك فلوس تسدده البنك بياخذ عليك فائدة على المبلع الغير مسدد ونسبة الفائدة تلقاها بكشف الحساب أو بورقة الشروط والأحكام، وراح يستمر البنك ياخذ الفائدة إلى أن تسدد المبلغ كاملاً.
ايش مشكلة البطاقات الائمانية؟
مشكلة هذا النوع من البطاقات الائمانية أنه خطير جداً جداً على الأشخاص اللي ما يتحكمون بمصروفاتهم الشهرية ويشترون كل شيء قدامهم وراح يورطهم في ديون ضخمة.
ولو تلاحظون دائماً موظفي البنوك يحاولون يقنعوكم تستخرجون هذي البطاقة لأنها حرفياً قرض وبعض البنوك تعطي الموظفين مزايا مالية في كل مرة يقنعون عميل ياخذ بطاقة ائتمانية..
لذلك احذر ألف مرة قبل تستخرج هذا النوع من البطاقات ، ولا تقدم عليه إلا إذا تعرف تتعامل معه باحترافية وتاخذ المزايا بدون ما تدفع فوائد للبنوك.
طيب الحين بشرح لكم الثلاث أنواع الأخرى وبعدها بيكون كل شيء واضح لكم ..
= النوع الثاني البطاقات الاعتمادية التشارج كارد.
وهي بطاقة مثل البطاقة الائتمانية بالضبط، البنك يضع لك مبلغ وبعد ما تشتري فيها لك يوم محدد تسدد كامل المبلغ وإلا سيتم إيقاف البطاقة، طبعاً فيها تفاصيل أكثر لكن هذي البطاقات قليلة جداً وغالباً تستهدف أصحاب الرواتب العالية جداً والتجار لإن لها مزايا استثنائية مثل بطاقة امريكان اكسبريس البلاتينية، وقليل يقدرون يستخرجونها لإن شروطها صعبة جداً.
= ثالثاً بطاقات الخصم المباشر أو ديبت كارد.
وهذي البطاقة اللي نسميها عندنا بطاقة مدى، واللي تكون مربوطة بحساب البنك الجاري، وما تقدر تشتري أو تصرف إلا بالمبلغ الموجود في حسابك، يعني لو حسابك فيه ١٠٠٠ ريال، ما راح تقدر تشتري أي شيء سعره ١٠٠١ ريال مثلاً
= رابعاً البطاقات مسبقة الدفع أو البري بيد كارد.
هذي البطاقات مثل أغلب بطاقات السفر والعملات مثل بطاقة السفر من البنك السعودي للاسثمار وبطاقة سفر بلس وبطاقة تسوق أو بطااقت اس تي سي بايروغيرها من البطاقات وهي المشهورة عند الكثير بالكريدت كارد، لكنها فعلياً مو بطاقة ائتمانية ، وطريقتها مثل شحن رصيد الجوال، تدخل حسابك في البنك وتروح للبطاقة وإذا تبي تشتري شيء ب ١٠٠ ريال تروح تحط في البطاقة مبلع ١٠٠ ريال ..
أعتقد الان صار من السهل التفرقة بين البطاقات البنكية ومعرفة ايش اللي ممكن يطيحك بمشاكل وديون، وإيش البطاقات اللي سهلة الاصدار ومشاكلها قليلة أو معدومة.
في الفيديو الجاي بتكلم عن مزايا وسلبيات البطاقات الائتمانية اللي لازم تعرفها قبل ما تصدر أو تفكر بأي بطاقة..
أ نا محمد الهضير
لا توجد تعليقات بعد. كن أول من يعلق